Blue Lagoon Skin Science byggir á einstökum jarðsjó Bláa lónsins, sem á uppruna sinn djúpt undir yfirborði Reykjaness. Jarðsjórinn er sérstaklega ríkur af kísli, örþörungum og steinefnum sem hafa verið rannsökuð í áratugi og mynda grunninn að vörulínunni.

Sagan nær aftur til níunda áratugarins þegar fólk fór að baða sig í jarðsjónum við Svartsengi og athygli vaknaði á áhrifum hans á húðina. Í kjölfarið hófust rannsóknir og árið 1995 komu fyrstu Blue Lagoon húðvörurnar á markað. Síðan þá hefur þróunin haldið áfram og í dag sameinar Blue Lagoon Skin Science íslenska náttúru, vísindi og markvissa húðumhirðu.

Sérstaðan felst í lífvirkum efnum úr jarðsjónum:

• Kísill styrkir náttúrulegar húðvarnir og hjálpar húðinni að halda raka.
• Örþörungar veita næringu og andoxunarvörn.
• Steinefni stuðla að jafnvægi og raka.

Í BL+ vörulínunni eru þessi efni þróuð enn frekar í háþróaðar formúlur sem byggja á rannsóknum Blue Lagoon og henta markvissari húðumhirðu.

Í Blue Lagoon Skin Science andlitsmeðferðum Mimos eru vörurnar notaðar samhliða faglegri húðumhirðu, hreinsun, nuddi og eftir atvikum markvissari meðferðartækni.

Meðferðin er valin út frá þörfum húðarinnar og getur hjálpað til við að bæta raka og áferð, gefa húðinni aukinn ljóma og ferskara yfirbragð. Um leið færðu tíma til að slaka á og njóta meðferðar sem sameinar árangur og vellíðan.

Ávinningurinn þarf ekki að enda þegar meðferðinni lýkur.

Með því að halda áfram að nota Blue Lagoon Skin Science vörur sem henta þinni húð er hægt að byggja áfram á þeirri umhirðu sem húðin fékk í meðferðinni og skapa reglulega húðrútínu sem styður við raka, húðvarnir og endurnýjun.

Mimos er með úrval Blue Lagoon Skin Science vara til sölu fyrir þau sem koma í meðferð og starfsfólk getur aðstoðað við að velja vörur sem henta þinni húð og markmiðum.

Vörurnar eru einnig fáanlegar í vefverslun á mimos.is.

Rétta meðferðin fer eftir ástandi húðarinnar og markmiðum þínum.

Starfsfólk Mimos metur húðina á staðnum og leiðbeinir um hvaða meðferð hentar best.