Adipologie notar svokallaða LFU-tækni, eða lág tíðni ómskoðunarbylgna. Meðferðarhaus er færður yfir valið svæði og tæknin vinnur með fituvef, bandvef og húð.
Meðferðin er ekki HIFU-meðferð og byggir ekki á miklum hita. Tilfinningin er yfirleitt mild og þægileg og flest geta haldið áfram með daginn strax að loknum tíma.

Algeng meðferðarsvæði eru:

- Magi og mitti
- Mjaðmir og læri
- Rass
- Upphandleggir
- Bak og önnur svæði með staðbundinni fitusöfnun

Meðferðin getur hentað þegar markmiðið er að:

- Vinna með afmörkuð svæði staðbundinnar fitusöfnunar
- Móta útlínur líkamans
- Draga úr ásýnd appelsínuhúðar
- Bæta áferð húðar
- Styður við stinnleika og þéttara yfirbragð húðar

Adipologie hentar best þeim sem eru nálægt sinni venjulegu þyngd en vilja vinna með svæði sem erfitt getur verið að hafa áhrif á með hreyfingu og lífsvenjum einum saman.

Mikilvægt er að hafa raunhæfar væntingar. Þetta er líkamsmótandi snyrtimeðferð en ekki megrunarmeðferð eða lausn við offitu.

Árangurinn er einstaklingsbundinn og meðferðin kemur ekki í stað hreyfingar, næringar eða annarra heilbrigðra venja.

Algengt er að mæla með:

- Sex meðferðum til að byrja með,
- Einni meðferð á viku,
- Fleiri skiptum eða viðhaldsmeðferð eftir þörfum og markmiðum.

Hver tími tekur um 60 mínútur, en tímalengd getur farið eftir meðferðarsvæði og því hvort Adipologie er sameinuð annarri líkamsmeðferð.

Í upphafi er farið yfir markmið og valið hvaða svæði á að meðhöndla. Þannig er hægt að leggja upp meðferðaráætlun sem hentar hverjum og einum.

Sum geta tekið eftir breytingu á ummáli, húðáferð eða lögun meðferðarsvæðisins eftir fyrstu skiptin. Árangurinn kemur þó oftast fram smám saman á meðan á meðferðarkúrnum stendur.

Líkaminn bregst mismunandi við og árangur getur meðal annars ráðist af:

- Húð og vefjagerð
- Stærð og staðsetningu meðferðarsvæðisins
- Aldri og hormónum
- Hreyfingu og daglegum venjum,
- Reglulegri mætingu í meðferð

Stöðug líkamsþyngd og heilbrigðar venjur geta hjálpað til við að styðja við og viðhalda árangrinum.

Ath! Mikilvægt er að láta meðferðaraðila vita um heilsufar, lyf, ígrædd tæki og fyrri aðgerðir áður en meðferð hefst.

Adipologie hentar almennt ekki:

- Á meðgöngu eða meðan á brjóstagjöf stendur
- Fólki með gangráð eða önnur virk ígrædd raftæki
- Meðan á virkri krabbameinsmeðferð stendur
- Yfir opin sár, sýkingar eða ert húðsvæði
- Yfir virk psoriasis- eða exemsvæði
- Yfir málmígræðslur eða önnur ígrædd efni nálægt yfirborði húðar
- Á eða nálægt ákveðnum kviðslitum og skurðnetum.

Einnig þarf að upplýsa um blóðþynnandi lyf, blæðingarsjúkdóma, óstýrða sykursýki og aðra undirliggjandi sjúkdóma.

Ef vafi leikur á getur þurft samþykki læknis áður en meðferð er bókuð.

Adipologie getur verið góður kostur þegar markmiðið er markviss líkamsmótun, jafnari húðáferð eða stinnara yfirbragð – án inngrips og án þess að taka frá tíma til bata.

Hjá Mimos er farið yfir þín markmið og meðferðin löguð að þeim svæðum sem þú vilt vinna með.

Bókaðu Adipologie-meðferð eða meðferðarkúr og taktu fyrsta skrefið í átt að þeim árangri sem þú sækist eftir.